uit die reeks 1967
Hannes Visser

Sondag 3 September


antie hester het 'n broek en
'n hemp en skoene gebring
van haar suster se kind wat
te klein is vir hom 

sy en ma sê dis hoog tyd dat ek
sondagskool toe gaan
die hemp is wit en die broek is te kort
en die skoene maak my seer

ma gee my twintig sent en
'n bybel met 'n foto in van pa
sonder 'n hemp met 'n vet baber
in sy hande by hartebeespoortdam

voor die kerk staan die dominee
met die blink kop en sy 
oë wat swart vir mense kyk
as hy hulle hande skud

in my sak is twee tiensente
dis 'n coke en vyf toffies en twee
games pinball by costa se kafee 
en ek draai om